ఆసియా కప్ ఫైనల్లో టీమిండియా ఓపెనర్ల సంచలనం: రికార్డుల వర్షం కురిపించిన షెఫాలీ, స్మృతి!

ఉమెన్స్ ఆసియా కప్ ఫైనల్లో భారత ఓపెనర్లు షెఫాలీ వర్మ (68), స్మృతి మంధాన (59) ప్రపంచ రికార్డులతో విరుచుకుపడ్డారు.

టోర్నీ చరిత్రలోనే అత్యధికంగా 129 పరుగుల భాగస్వామ్యాన్ని నెలకొల్పి, జెమీమా-దీప్తి (128) పేరిట ఉన్న పాత రికార్డును తిరగరాశారు.

ఉమెన్స్ T20I టోర్నీ ఫైనల్లో ఇదే అత్యధిక పార్టనర్‌షిప్.షెఫాలీ-మంధాన జోడీకి అంతర్జాతీయంగా ఇది 6వ 100+ పరుగుల భాగస్వామ్యం కావడం విశేషం.

మరోవైపు షెఫాలీ వర్మ కేవలం 24 బంతుల్లోనే హాఫ్ సెంచరీ పూర్తి చేసుకుని, టోర్నీ చరిత్రలోనే అత్యంత వేగవంతమైన ఫిఫ్టీ సాధించిన ప్లేయర్‌గా కొత్త చరిత్ర సృష్టించింది.