నా మరణ వార్తలు అవాస్తవం.. నేను క్షేమంగానే ఉన్నా: సీనియర్ నటి వడివుక్కరసి

తాను చనిపోయానంటూ సోషల్ మీడియాలో వస్తున్న పుకార్లపై ప్రముఖ సీనియర్ నటి వడివుక్కరసి స్పందించారు. ఈ తప్పుడు వార్తలను ఆమె తీవ్రంగా ఖండించారు. "నేను పూర్తి ఆరోగ్యంతో, క్షేమంగా ఉన్నాను. అభిమానులు ఎవరూ ఆందోళన చెందాల్సిన అవసరం లేదు. నా యోగక్షేమాల గురించి ఆరా తీసిన ప్రతి ఒక్కరికీ ధన్యవాదాలు" అని ఆమె ఒక టీవీ ఇంటర్వ్యూలో స్పష్టం చేశారు. తనకు ఎలాంటి ఆరోగ్య సమస్యలు లేవని ఆమె పేర్కొన్నారు.

వడివుక్కరసి తెలుగు, తమిళ, మలయాళ, కన్నడ భాషల్లో కలిపి దాదాపు 350కి పైగా సినిమాల్లో నటించారు. ముఖ్యంగా తెలుగులో 'అమ్మోరు', 'అందాల రాముడు' వంటి చిత్రాల్లో తన అద్భుతమైన నటనతో ఆమె ప్రేక్షకులకు ఎంతగానో చేరువయ్యారు. సోషల్ మీడియాలో వచ్చే ఇలాంటి వదంతులను నమ్మవద్దని ఆమె కోరారు.