'రోలెక్స్' మూవీపై సూర్య క్లారిటీ!

లోకేష్ కనగరాజ్ దర్శకత్వంలో రాబోయే 'రోలెక్స్' మూవీపై హీరో సూర్య ఆసక్తికర వ్యాఖ్యలు చేశారు.

ఈ సినిమా ఎప్పుడు పట్టాలెక్కుతుందనే విషయం తనకు తెలియదని ఆయన స్పష్టం చేశారు.

ప్రస్తుతం లోకేష్ కనగరాజ్ అల్లు అర్జున్ (AA23), కమల్ హాసన్ ప్రాజెక్టులతో బిజీగా ఉన్నారని, కాలమే ఈ సినిమాపై సమాధానం చెబుతుందని సూర్య అన్నారు.గతంలో వచ్చిన 'విక్రమ్' సినిమాలో సూర్య పోషించిన 'రోలెక్స్' పాత్రకు విశేష స్పందన లభించింది.

అతిథి పాత్రలో అదరగొట్టిన ఆయన నటనకు ప్రేక్షకులు ఫిదా అయ్యారు.

దీంతో ఆ పాత్రను ప్రధానంగా తీసుకుని 'రోలెక్స్' పేరుతో ప్రత్యేకంగా ఓ సినిమా తీస్తానని దర్శకుడు లోకేష్ గతంలోనే ప్రకటించారు.

అయితే, ప్రస్తుత పరిస్థితుల దృష్ట్యా ఈ ప్రాజెక్ట్ ప్రారంభం కావడానికి కొంత సమయం పట్టే అవకాశం ఉందని సూర్య వ్యాఖ్యలను బట్టి అర్థమవుతోంది.