పెరుగుతున్న విడాకులపై కాజల్ అగర్వాల్ ఆసక్తికర వ్యాఖ్యలు

సమాజంలో విడాకుల కేసులు పెరగడంపై నటి కాజల్ అగర్వాల్ స్పందించారు.

ప్రజల్లో సహనం లోపించడం, సోషల్ మీడియా వినియోగం మితిమీరడమే దీనికి ప్రధాన కారణాలని ఆమె అభిప్రాయపడ్డారు.

దంపతులు ఒకరితో ఒకరు మాట్లాడుకోవడం కంటే స్మార్ట్‌ఫోన్లకే ఎక్కువ సమయం కేటాయిస్తున్నారని, అర్థవంతమైన సంభాషణలు లేకపోవడమే వారి మధ్య దూరం పెంచుతోందని విశ్లేషించారు.అయితే, తన వ్యక్తిగత జీవితం విషయానికొస్తే, తన భర్త కిచ్లుతో కలిసి ఎక్కువ సమయం గడపడానికి ప్రాధాన్యత ఇస్తానని కాజల్ తెలిపారు.

ప్రతి వారం ఇద్దరం కలిసి డిన్నర్ కు వెళ్తామని, తద్వారా తమ మధ్య బంధం బలంగా ఉంటుందని ఆమె పంచుకున్నారు.