ఎన్టీఆర్ 'డ్రాగన్' మూవీలో స్పెషల్ సాంగ్ అప్‌డేట్: ముగ్గురు హీరోయిన్లతో తారక్ మాస్ స్టెప్పులు!

యంగ్ టైగర్ ఎన్టీఆర్, సంచలన దర్శకుడు ప్రశాంత్ నీల్ కాంబినేషన్‌లో తెరకెక్కుతున్న అత్యంత ప్రతిష్టాత్మక చిత్రం 'డ్రాగన్'పై భారీ అంచనాలు నెలకొన్నాయి.

తాజాగా ఈ సినిమాకు సంబంధించి టాలీవుడ్ వర్గాల్లో ఓ క్రేజీ అప్‌డేట్ చక్కర్లు కొడుతోంది.

ఈ చిత్రంలో ఒక భారీ స్పెషల్ సాంగ్ ఉండనుందని, దానికోసం ప్రత్యేకంగా భారీ సెట్ కూడా వేసినట్లు సమాచారం.

ఈ స్పెషల్ సాంగ్‌లో రుక్మిణీ వసంతో పాటు మరో ఇద్దరు ప్రముఖ హీరోయిన్లు ఎన్టీఆర్‌తో కలిసి స్టెప్పులేయనున్నట్లు సినీ వర్గాలు వెల్లడించాయి.

తారక్ పవర్ ఫ్యాక్ట్ డాన్స్ మూవ్స్‌తో పాటు ఈ ముగ్గురు భామల గ్లామర్ ఈ పాటకు ప్రధాన ఆకర్షణగా నిలవనుందని తెలుస్తోంది.

ప్రశాంత్ నీల్ మార్క్ యాక్షన్ ఎంటర్‌టైనర్‌గా వస్తున్న ఈ సినిమాపై అభిమానుల్లో విపరీతమైన ఆసక్తి నెలకొంది.