జాకీ భగ్నానీతో కలిసి పనిచేయడం పై రకుల్ ప్రీత్ సింగ్ ఆసక్తికర వ్యాఖ్యలు!

తన భర్త, నిర్మాత జాకీ భగ్నానీతో కలిసి పనిచేయడం ఎంతో సరదాగా ఉంటుందని ప్రముఖ హీరోయిన్ రకుల్ ప్రీత్ సింగ్ ఆనందం వ్యక్తం చేశారు.

ఆయనతో కలిసి పనిచేసేటప్పుడు, సగం సమయం పని గురించి మాట్లాడుకుంటే, మిగతా సమయం నవ్వుకుంటూ, భోజనం గురించి చర్చిస్తూ గడుపుతామని ఆమె తెలిపారు.కలిసి జీవితాన్ని నిర్మించుకోవడం ఎంత ముఖ్యమో, దాన్ని ఉత్సాహంగా, సంతోషంగా ఉంచుకోవడం కూడా అంతే గొప్ప అనుభవమని రకుల్ పేర్కొన్నారు.

ఈ సందర్భంగా తన భర్తతో కలిసి దిగిన అందమైన ఫోటోలతో పాటు, ఇటీవల ఒక అవార్డు ఫంక్షన్‌లో పాల్గొన్న గ్లామరస్ ఫోటోలను కూడా ఆమె సోషల్ మీడియాలో అభిమానులతో పంచుకున్నారు.