బీసీసీఐ చీఫ్ సెలెక్టర్ పదవికి అజిత్ అగార్కర్ గుడ్‌బై.. రేసులో మాజీ క్రికెటర్లు!

భారత క్రికెట్ జట్టు చీఫ్ సెలెక్టర్‌గా అజిత్ అగార్కర్ ప్రయాణం ముగింపు దశకు చేరుకుంది. అక్టోబర్ 4వ తేదీతో ఆయన మూడేళ్ల పదవీకాలం పూర్తి కానుంది. అయితే, ఆ పదవిలో ఇకపై కొనసాగడం తనకు ఇష్టం లేదని అగార్కర్ బీసీసీఐకి అధికారికంగా తెలియజేశారని ఓ బోర్డు అధికారి వెల్లడించారు.

దీంతో ఆయన స్థానంలో కొత్త చీఫ్ సెలెక్టర్‌ను బీసీసీఐ త్వరలోనే నియమించనుంది. తదుపరి సెలెక్టర్ పదవి కోసం టీమిండియా మాజీ క్రికెటర్లు పార్థివ్ పటేల్, ప్రజ్ఞాన్ ఓజా పేర్లు రేసులో ప్రముఖంగా వినిపిస్తున్నట్లు సమాచారం.