ఆ టీమిండియా బ్యాటర్‌ను ఔట్ చేయడం చాలా కష్టం: ప్యాట్ కమిన్స్

ప్రపంచ క్రికెట్‌లో తాను బౌలింగ్ చేసిన అత్యంత కఠినమైన బ్యాటర్ల జాబితాను ఆస్ట్రేలియా స్టార్ క్రికెటర్ ప్యాట్ కమిన్స్ తాజాగా వెల్లడించాడు.

టీమిండియా నుంచి పుజారాను ఔట్ చేయడం అత్యంత కష్టమని, అతను క్రీజులో గోడలా నిలబడి వందల బంతులను ఎదుర్కొంటాడని కమిన్స్ తెలిపాడు.మిగతా దేశాల జట్లలో తనకు సవాల్ విసిరిన ఆటగాళ్ల పేర్లను సైతం కమిన్స్ పేర్కొన్నాడు.

ఇంగ్లండ్‌లో అలిస్టర్ కుక్, పాకిస్థాన్‌ తరఫున అజహర్, న్యూజిలాండ్ జట్టులో బ్రెండన్ మెక్‌కలమ్‌ తనకు కఠినమైన ప్రత్యర్థులని తెలిపాడు.

అలాగే వెస్టిండీస్ నుంచి క్రిస్ గేల్, సౌతాఫ్రికా జట్టులో డివిలియర్స్, శ్రీలంక నుంచి దిల్షాన్ పేర్లను కమిన్స్ తన టఫెస్ట్ అపోనెంట్స్ జాబితాలో చేర్చాడు.