హారర్, కామెడీ, యాక్షన్, థ్రిల్లర్ అంశాల సమ్మేళనంగా కొరియన్ కనకరాజు
వరుణ్ తేజ్ హీరోగా మేర్లపాక గాంధీ దర్శకత్వంలో రూపొందిన ‘కొరియన్ కనకరాజు’ చిత్రం ఆగస్టు 7న ప్రేక్షకుల ముందుకు రానుంది. రితికా నాయక్ కథానాయికగా నటించిన ఈ చిత్రాన్ని రాజీవ్ రెడ్డి, సాయిబాబు జాగర్లమూడి నిర్మించారు. విడుదలకు ముందు చిత్రబృందం ట్రైలర్ను విడుదల చేయగా, అది ప్రేక్షకుల్లో సినిమాపై అంచనాలను మరింత పెంచింది. ట్రైలర్ను బట్టి చూస్తే హారర్, కామెడీ, యాక్షన్, థ్రిల్లర్ అంశాల సమ్మేళనంగా సినిమా తెరకెక్కినట్లు తెలుస్తోంది. అనంతపురానికి చెందిన ఓ సాధారణ యువకుడు, కొరియన్ మాఫియా ప్రపంచం మధ్య జరిగే పరిణామాలు కథకు ప్రధాన ఆకర్షణగా కనిపిస్తున్నాయి.
ఈ చిత్రంలో వరుణ్ తేజ్ రెండు భిన్నమైన పాత్రల్లో కనిపించనుండగా, ఆయన మేకోవర్, బాడీ లాంగ్వేజ్ ప్రత్యేక ఆకర్షణగా నిలిచాయి. నటుడు సత్య కామెడీ టైమింగ్తో ట్రైలర్లో నవ్వులు పూయించగా, రితికా నాయక్ తన స్క్రీన్ ప్రెజెన్స్తో ఆకట్టుకున్నారు. ఎస్. థమన్ అందించిన బ్యాక్గ్రౌండ్ స్కోర్ యాక్షన్, హారర్ సన్నివేశాలకు మరింత బలం చేకూర్చింది. ఇప్పటికే విడుదలైన పోస్టర్లు, టీజర్, పాటలకు మంచి స్పందన రావడంతో ట్రైలర్ కూడా సినిమాపై హైప్ను పెంచింది. భారీ నిర్మాణ విలువలు, ఆకట్టుకునే విజువల్స్తో రూపొందిన ఈ చిత్రం పూర్తి స్థాయి కమర్షియల్ ఫ్యామిలీ ఎంటర్టైనర్గా ప్రేక్షకులను అలరించేందుకు సిద్ధమైంది.
