సోషల్ మీడియాను ఊపేస్తున్న 1980ల వింటేజ్ ట్రెండ్: ఏఐ ఫోటోలతో ప్రముఖుల హల్‌చల్!

సోషల్ మీడియా వేదికగా ప్రస్తుతం ‘1980ల వింటేజ్ లుక్’ ట్రెండ్ విపరీతంగా హల్‌చల్ చేస్తోంది.

రాజకీయ, సినిమా, క్రీడారంగాలకు చెందిన పలువురు ప్రముఖులు సైతం ఈ ట్రెండ్‌కు ఆకర్షితులవుతున్నారు.

తెలంగాణ సీఎం రేవంత్ రెడ్డి, అస్సాం సీఎం హిమంత, కేంద్ర మంత్రులు కిషన్ రెడ్డి, కిరణ్ రిజిజులతో పాటు ఎమ్మెల్యే భూమా అఖిల తదితరులు ChatGPT సాంకేతికత సాయంతో తమ ఫోటోలను 80ల నాటి హెయిర్‌స్టైల్స్, వింటేజ్ గెటప్‌లలో రీక్రియేట్ చేసుకున్నారు.ప్రముఖులతో పాటు నెటిజన్లు కూడా తమ వింటేజ్ అవతారాల ఫోటోలను నెట్టింట విరివిగా షేర్ చేస్తుండటంతో ఈ కొత్త ట్రెండ్ ప్రస్తుతం సోషల్ మీడియాలో విశేషంగా వైరల్‌గా మారింది.