3.83 లక్షల డైమండ్స్‌తో లాల్ బజార్ గణనాథుడు: మెరిసిపోతున్న వజ్రాల వినాయకుడు!

హైదరాబాద్‌లోని లాల్ బజార్‌లో దేశంలోనే తొలిసారిగా అత్యంత ఖరీదైన వినాయక విగ్రహాన్ని ప్రతిష్ఠించారు.

పంచధాతువులతో రూపొందించిన ఈ విగ్రహానికి బంగారు పూత పూయడమే కాకుండా, ఏకంగా 3,83,800 అమెరికన్ డైమండ్స్‌తో అత్యంత రమణీయంగా అలంకరించారు.దాదాపు 8 నెలల పాటు శ్రమించి, దశావతారాల నడుమ ఈ గణనాథుడికి ప్రత్యేక రూపాన్ని తీర్చిదిద్దారు.

నిన్న రాత్రి జరిగిన ఊరేగింపులో రంగురంగుల విద్యుత్ కాంతుల నడుమ ఈ విగ్రహం దేదీప్యమానంగా మెరిసిపోయింది.

ఈ అరుదైన, విలాసవంతమైన వజ్రాల గణపతిని కళ్లారా చూసి దర్శించుకునేందుకు భక్తులు భారీ సంఖ్యలో తరలివచ్చారు.