సీఎం హోదాలోనే అసెంబ్లీకి కేసీఆర్: కేటీఆర్ స్పష్టీకరణ

తెలంగాణ మాజీ సీఎం కేసీఆర్ అసెంబ్లీకి రావడంపై బీఆర్ఎస్ వర్కింగ్ ప్రెసిడెంట్ కేటీఆర్ ఆసక్తికర వ్యాఖ్యలు చేశారు.

సీఎం రేవంత్ రెడ్డి పదేపదే కేసీఆర్‌ను అసెంబ్లీకి రావాలని కోరుతున్న నేపథ్యంలో కేటీఆర్ బదులిచ్చారు.కేసీఆర్ తప్పకుండా అసెంబ్లీకి వస్తారని, అయితే ఆయన మళ్లీ రాష్ట్ర ముఖ్యమంత్రిగానే అడుగుపెడతారని కేటీఆర్ స్పష్టం చేశారు.

దీని ద్వారా, బీఆర్ఎస్ తిరిగి అధికారంలోకి వచ్చే వరకు కేసీఆర్ అసెంబ్లీకి వెళ్లరని పరోక్షంగా వెల్లడించారు.

అంతేకాకుండా, రాబోయే రోజుల్లో బీఆర్ఎస్ పార్టీ అధికారంలోకి వస్తే కేసీఆరే మళ్లీ ముఖ్యమంత్రి అవుతారని కేటీఆర్ కుండబద్దలు కొట్టినట్లు చెప్పారు.

ఈ వ్యాఖ్యలు ఇప్పుడు రాజకీయ వర్గాల్లో చర్చనీయాంశంగా మారాయి.