సీఎం రేవంత్‌పై భూముల అమ్మకం ఆరోపణలు: హరీశ్ రావు ఫైర్

ముఖ్యమంత్రి రేవంత్ రెడ్డిని లక్ష్యంగా చేసుకుని బీఆర్ఎస్ సీనియర్ నేత హరీశ్ రావు తీవ్ర విమర్శలు గుప్పించారు.

రేవంత్ రెడ్డి ముఖ్యమంత్రా లేక రియల్ ఎస్టేట్ ఏజెంటా అని ప్రశ్నిస్తూ ఘాటైన బహిరంగ లేఖ రాశారు.రాష్ట్రంలో కనిపించిన ప్రభుత్వ భూములన్నింటినీ అడ్డగోలుగా అమ్మేయాలని ప్రభుత్వం చూస్తోందని ఆయన ఆరోపించారు.

ముఖ్యంగా రాయదుర్గ్ పాన్‌మక్తాలో ఉన్న సుమారు రెండు వేల కోట్ల రూపాయల విలువైన భూములను వేలం వేయడాన్ని ఆయన తప్పుబట్టారు.

గతంలో ఇదే భూముల అమ్మకానికి వ్యతిరేకంగా కోర్టుకు వెళ్లిన వారే, ఇప్పుడు అధికారంలోకి వచ్చాక తమ అనుచరులకు లబ్ధి చేకూర్చడానికే ఈ వేలానికి సిద్ధమయ్యారని హరీశ్ రావు మండిపడ్డారు.

ఈ భూముల విక్రయాన్ని ప్రభుత్వం తక్షణమే నిలిపివేయాలని ఆయన గట్టిగా డిమాండ్ చేశారు.