కేరళ ప్రతిష్ఠాత్మక పురస్కారానికి సీఎం రేవంత్ ఎంపిక

తెలంగాణ ముఖ్యమంత్రి రేవంత్ రెడ్డికి ఓ అరుదైన గౌరవం దక్కింది.

ప్రతిష్ఠాత్మక 'ఆర్యదాన్ ముహమ్మద్-2026' అవార్డుకు ఆయన ఎంపికయ్యారని ముఖ్యమంత్రి కార్యాలయం వెల్లడించింది.

కేరళ మాజీ మంత్రి ఆర్యదాన్ ముహమ్మద్ జ్ఞాపకార్థం ఏఎం ఫౌండేషన్ ఈ అవార్డును ప్రదానం చేస్తోంది.రైతులు, అలాగే వెనుకబడిన వర్గాల సంక్షేమం కోసం సీఎం రేవంత్ రెడ్డి అమలు చేస్తున్న వినూత్న కార్యక్రమాలను గుర్తిస్తూ, ఉత్తమ ప్రజా సేవకుడిగా ఆయనను ఈ పురస్కారానికి ఎంపిక చేశారు.

ఆర్యదాన్ ముహమ్మద్ 4వ వర్ధంతిని పురస్కరించుకుని ఈరోజు కేరళలో జరిగే కార్యక్రమంలో సీఎం రేవంత్‌కు ఈ అవార్డును అందజేయనున్నారు.