సంగారెడ్డిలో తీవ్ర విషాదం: గణేష్ నిమజ్జనంలో ఆరుగురు విద్యార్థుల దుర్మరణం.. సీఎం తీవ్ర దిగ్భ్రాంతి

తెలంగాణలోని సంగారెడ్డి జిల్లా పెద్దకంజర్లలో గణేష్ నిమజ్జన వేడుకల్లో తీవ్ర విషాదం చోటుచేసుకుంది.

చెరువులో నీటి లోతును సరిగ్గా అంచనా వేయలేక, ఒకరిని కాపాడబోయి మరొకరు ప్రాణాలు కోల్పోవడంతో ఆరుగురు విద్యార్థులు నీటమునిగి దుర్మరణం పాలయ్యారు.ఈ హృదయవిదారక ఘటనపై తెలంగాణ ముఖ్యమంత్రి రేవంత్ రెడ్డి తీవ్ర దిగ్భ్రాంతి వ్యక్తం చేశారు.

బాధిత కుటుంబాలను తక్షణమే ప్రభుత్వం తరఫున ఆదుకోవాలని అధికారులను ఆదేశించారు.అంతేకాకుండా, రాష్ట్రవ్యాప్తంగా అన్ని నిమజ్జన ప్రాంతాల వద్ద ప్రమాదాలు జరగకుండా తగిన భద్రతా జాగ్రత్తలు తీసుకోవాలని స్పష్టం చేశారు.

అలాగే, పిల్లలను లోతైన నీటి వద్దకు వెళ్లనివ్వకుండా తల్లిదండ్రులు తగిన పర్యవేక్షణ వహించాలని సూచించారు.