విద్యుత్ రంగంపై సీఎం రేవంత్ కీలక ఆదేశాలు - నిరంతర సరఫరాకు చర్యలు

తెలంగాణలో ఎత్తిపోతల పథకాలు, వ్యవసాయ రంగానికి ఎలాంటి అంతరాయం లేకుండా నిరంతర విద్యుత్ సరఫరా అందించాలని ముఖ్యమంత్రి రేవంత్ రెడ్డి అధికారులను ఆదేశించారు.

విద్యుత్ శాఖ ఉన్నతాధికారులతో నిర్వహించిన సమీక్షా సమావేశంలో మాట్లాడిన ఆయన, రాష్ట్ర ప్రస్తుత అవసరాలకు తగినట్లుగా విద్యుత్ కొనుగోలు చేయాలని స్పష్టం చేశారు.

రాష్ట్రంలోని థర్మల్ విద్యుత్ కేంద్రాలు పూర్తి సామర్థ్యంతో పనిచేయాలని, విద్యుత్ ఉత్పత్తికి అడ్డంకులు కలగకుండా జెన్కోకు నాణ్యమైన బొగ్గు సరఫరా చేయాలని ఆదేశించారు.ఇదే సమయంలో, యాదాద్రి థర్మల్ ప్లాంట్‌కు బొగ్గు రవాణా చేయడం వల్ల ప్రభుత్వంపై సుమారు ₹40,000 కోట్ల మేర ఆర్థిక భారం పడుతోందని అధికారులు సీఎం రేవంత్ రెడ్డికి వివరించారు.