విపక్షాల గొంతు నొక్కేందుకే అక్రమ అరెస్టులు: హరీశ్ రావు ఫైర్

హైదరాబాద్‌, సెప్టెంబ‌ర్‌8(క్విక్ టుడే న్యూస్‌):

తెలంగాణలో ప్రతిపక్ష నేతలను అసెంబ్లీకి వెళ్లకుండా అడ్డుకునేందుకే ప్రభుత్వం అక్రమ అరెస్టుల కుట్రకు తెరలేపిందని మాజీ మంత్రి హరీశ్ రావు తీవ్రంగా ఆరోపించారు. హైకోర్టు ఆదేశాలను సైతం లెక్కచేయకుండా కేసులు నమోదు చేయడం కోర్టు ధిక్కరణ కిందకే వస్తుందని ఆయన మండిపడ్డారు. సభ్యుల హక్కులను కాలరాసిన పోలీసులే తిరిగి వాళ్లపైనే ఎదురు కేసులు పెట్టడం ఏంటని ప్రశ్నించారు. మరోవైపు, బీఆర్ఎస్ నేతలు తాతా మధు, నవీన్ కుమార్‌ల అరెస్టులను ఖండిస్తూ నారాయణగూడ పోలీస్ స్టేషన్ వద్ద పార్టీ శ్రేణులు భారీ ఆందోళనకు దిగాయి. అరెస్ట్ చేసిన నేతలను వెంటనే విడుదల చేయాలని డిమాండ్ చేస్తూ కార్యకర్తలు రోడ్డుపై బైఠాయించి నిరసన తెలిపారు.