తెలంగాణలో వర్షాల ముప్పు: కలెక్టర్లు అప్రమత్తంగా ఉండాలని మంత్రి పొంగులేటి ఆదేశం!

తెలంగాణ రాష్ట్రంలో రాబోయే రెండు రోజుల పాటు భారీ నుంచి అతిభారీ వర్షాలు కురిసే అవకాశం ఉండటంతో జిల్లా కలెక్టర్లు పూర్తిస్థాయిలో అప్రమత్తంగా ఉండాలని మంత్రి పొంగులేటి ఆదేశించారు.

రెడ్ అలర్ట్ ఉన్న పెద్దపల్లి, భూపాలపల్లి, ములుగు, భద్రాద్రి, ఖమ్మం, మహబూబాబాద్, వరంగల్, హనుమకొండ జిల్లాల్లో తక్షణమే ముందస్తు సహాయక చర్యలు చేపట్టాలని సూచించారు.

ప్రజలకు సాయం అందించేందుకు 24 గంటలూ కంట్రోల్ రూమ్‌లను అందుబాటులో ఉంచాలని స్పష్టం చేశారు.

ఈ తీవ్ర వర్షాల నేపథ్యంలో ప్రజలు అత్యవసరమైతే తప్ప ఇళ్ల నుంచి బయటకు రావద్దని కోరారు.