తెలంగాణ ప్రజలకు హెచ్చరిక: రాబోయే రెండు రోజులు పలు జిల్లాల్లో వర్ష సూచన!

తెలంగాణ రాష్ట్రంలో రాబోయే రెండు రోజుల పాటు వాతావరణంలో మార్పులు చోటుచేసుకోనున్నాయి.

నేటి అర్ధరాత్రి నుంచి తెల్లవారుజాము వరకు పలు జిల్లాల్లో అక్కడక్కడ వర్షాలు కురిసే ఆస్కారం ఉందని ప్రముఖ వాతావరణ నిపుణుడు వెదర్ మ్యాన్ బాలాజీ తెలిపారు.రేపు, ఎల్లుండి ఉత్తర, దక్షిణ మరియు తూర్పు జిల్లాల్లో మోస్తరు వానలు పడతాయని ఆయన వెల్లడించారు.

వర్ష సూచన ఉన్న జిల్లాల జాబితాలో ఆదిలాబాద్, నిర్మల్, మంచిర్యాల, కామారెడ్డి, కరీంనగర్, జగిత్యాల, పెద్దపల్లి, మహబూబ్‌నగర్, వనపర్తి, నల్గొండ, సూర్యాపేట, వరంగల్, హనుమకొండ తదితర జిల్లాలు ఉన్నాయి.

ఈ నేపథ్యంలో ఆయా జిల్లాల ప్రజలు, రైతులు మరియు వాహనదారులు వర్షాల పట్ల అప్రమత్తంగా ఉండాలని సూచించారు.