ప్రభుత్వ ప్రీ ప్రైమరీ స్కూళ్ల టైమింగ్స్‌లో మార్పులు రానున్నాయా?

తెలంగాణ రాష్ట్రంలోని ప్రభుత్వ ప్రీ ప్రైమరీ స్కూళ్ల సమయాల్లో మార్పులు వచ్చే అవకాశం కనిపిస్తోంది.

ప్రస్తుతం ఈ స్కూళ్లు మధ్యాహ్నం వరకే నడుస్తుండగా, సాయంత్రం 4 గంటల వరకు తరగతులు నిర్వహించాలని తల్లిదండ్రుల నుంచి పెద్ద ఎత్తున డిమాండ్లు వస్తున్నాయి.

ఈ డిమాండ్ల నేపథ్యంలో, పాఠశాల విద్యాశాఖ ఈ అంశంపై అధ్యయనం చేసేందుకు ఒక ఉన్నత స్థాయి కమిటీని నియమించింది.స్కూల్ టైమింగ్స్‌ పెంచినట్లయితే, మధ్యాహ్న భోజనం, తదితర సదుపాయాల కల్పన ఎలా ఉండాలి?

ఉపాధ్యాయులపై పడే అదనపు భారం ఎంత?

తదితర కీలక అంశాలపై ఈ కమిటీ క్షుణ్ణంగా అధ్యయనం చేసి ప్రభుత్వానికి నివేదిక సమర్పించనుంది.

ఈ నివేదిక ఆధారంగా విద్యాశాఖ తుది నిర్ణయం తీసుకుంటుందని సమాచారం.