రెడ్డి స్ట్రీట్ యూత్ గణేష్ కమిటీ ఆధ్వర్యంలో ఘనంగా కుంకుమ పూజ కార్యక్రమం
జనగామ, సెప్టెంబర్ 22 (క్విక్ టుడే న్యూస్):
జనగామ పట్టణంలోని రెడ్డి స్ట్రీట్ కూరగాయల.మార్కెట్ వీధిలో వినాయక నవరాత్రి ఉత్సవాలు కన్నుల పండుగగా సాగుతున్నాయి.
ఉత్సవాల్లో భాగంగా రెడ్డి స్ట్రీట్ యూత్ గణేష్ కమిటీ ఆధ్వర్యంలో మంగళవారం శ్రీ సిద్ధి వినాయక స్వామివారి మండపం వద్ద మహిళలతో విశేష కుంకుమ పూజ కార్యక్రమాన్ని అత్యంత వైభవంగా నిర్వహించారు.
స్వామివారి ఆశీస్సులు పొందేందుకు స్థానిక మహిళలు ఈ పూజలో అధిక సంఖ్యలో పాల్గొన్నారు.
ఈ సందర్భంగా పూజారులు వేద మంత్రోచ్ఛారణల నడుమ విఘ్నేశ్వరునికి ప్రత్యేక అర్చనలు, శోభాయమానంగా కుంకుమార్చన పూజలు పూర్తి చేశారు.
ఈ కార్యక్రమంలో మహిళలు ఎంతో భక్తిశ్రద్ధలతో పాల్గొని తమ కుటుంబ సౌభాగ్యం ఆయురారోగ్యాలు ప్రసాదించాలని స్వామివారిని వేడుకున్నారు.
పూజా అనంతరం కమిటీ సభ్యులు భక్తులందరికీ తీర్థప్రసాదాలు పంపిణీ చేశారు.
ఉత్సవాలు ప్రశాంతంగా భక్తిభావంతో జరిగేలా సహకరిస్తున్న స్థానికులకు భక్తులకు యూత్ గణేష్ కమిటీ ప్రతినిధులు ప్రత్యేక ధన్యవాదాలు తెలిపారు.
