నేటి నుంచే గణేష్ నవరాత్రి ఉత్సవాలు: ఆధ్యాత్మిక శోభతో మెరిసిపోతున్న మండపాలు!

దేశవ్యాప్తంగా వినాయక చవితి పండుగ సందడి మిన్నంటింది.

నేటి నుంచి గణేశ్ నవరాత్రి ఉత్సవాలు అత్యంత వైభవంగా ప్రారంభం కానున్నాయి.

ఇళ్లు, ప్రతి వీధిలోని మండపాలలో భక్తులు గణనాథుని విగ్రహాలను భక్తిశ్రద్ధలతో ప్రతిష్ఠించి ప్రత్యేక పూజలు నిర్వహించేందుకు సిద్ధమయ్యారు.బొజ్జ గణపయ్యకు ఇష్టమైన ఉండ్రాళ్లు, లడ్డూలను ప్రసాదాలుగా సమర్పించి స్వామివారి ఆశీస్సులు పొందనున్నారు.

ఇప్పటికే విగ్రహాలు మండపాలకు చేరుకోవడంతో ఊరూరా ఆధ్యాత్మిక వాతావరణం సంతరించుకుంది.

లంబోదరుని కృపాకటాక్షాలు అందరిపై ఉండాలని ఆశిస్తూ వినాయక చవితి శుభాకాంక్షలు!