దేశంలో భారీగా తగ్గనున్న బియ్యం ఉత్పత్తి.. సామాన్యులపై మోత మోగనున్న ధరలు!

ఎల్ నినో ప్రభావంతో దేశంలో ఈ ఏడాది బియ్యం ఉత్పత్తి భారీగా తగ్గనున్నట్లు నివేదికలు హెచ్చరిస్తున్నాయి.

గత ఏడాది 154 మిలియన్ టన్నులుగా ఉన్న ఉత్పత్తి, ఈసారి 144 మిలియన్ టన్నులకు పడిపోవచ్చని అంచనా వేస్తున్నారు.

అయితే ప్రస్తుత బియ్యం నిల్వలు 59.6 మిలియన్ టన్నులకు చేరడం కొంత ఊరటనిచ్చే అంశమని నిపుణులు అంటున్నారు.

సెప్టెంబర్‌లో వర్షపాతం దీర్ఘకాల సగటులో 91 శాతం కన్నా తక్కువ పడే అవకాశం ఉండటంతో ఇది పంటలపై ప్రభావం చూపుతుంది.

దీనివల్ల రాబోయే రోజుల్లో ఆహార ధాన్యాల ధరలు పెరిగే ప్రమాదం ఉందని తీవ్రంగా హెచ్చరిస్తున్నారు.