ఇందిరమ్మ ఇళ్లకు రూ. 5 లక్షల సాయం చాలదు: ఎమ్మెల్యే రాజగోపాల్ రెడ్డి

తెలంగాణ ప్రభుత్వం ప్రతిష్టాత్మకంగా చేపట్టిన ఇందిరమ్మ ఇళ్ల పథకం కింద ఇస్తున్న రూ.

5 లక్షల ఆర్థిక సాయం సరిపోవడం లేదని ఎమ్మెల్యే రాజగోపాల్ రెడ్డి అసెంబ్లీలో పేర్కొన్నారు.

ప్రస్తుతం నిర్మాణ సామగ్రి ధరలు విపరీతంగా పెరిగిపోయాయని, మేస్త్రీలకే రూ.

3 నుంచి 4 లక్షలు ఇవ్వాల్సి వస్తోందని ఆయన వివరించారు.

ఈ పరిస్థితుల్లో ఒక ఇల్లు కట్టుకోవాలంటే కనీసం రూ.

10 నుంచి 15 లక్షలు ఖర్చవుతోందని స్పష్టం చేశారు.

కాబట్టి, ప్రభుత్వం ఇచ్చే ఆర్థిక సాయాన్ని పెంచే అంశాన్ని పరిశీలించాలని ఆయన కోరారు.

అలాగే, ఆటోలు, ట్రాక్టర్లు ఉన్నాయనే నెపంతో కొందరు అర్హులను పథకానికి ఎంపిక చేయలేదని, నిరుపేదల విషయంలో నిబంధనలను సడలించాలని ప్రభుత్వాన్ని రాజగోపాల్ రెడ్డి కోరారు.