సీఎం రేవంత్‌కు కొండా సుస్మిత సవాల్: ఈడీ, సీబీఐ విచారణకు డిమాండ్

తెలంగాణ ముఖ్యమంత్రి రేవంత్ రెడ్డిపై మంత్రి కొండా సురేఖ కుమార్తె కొండా సుస్మిత తీవ్ర స్థాయిలో విరుచుకుపడ్డారు.

తమ కుటుంబాన్ని రాజకీయంగా ముగించేందుకు కుట్రలు జరుగుతున్నాయని ఆమె ఆరోపించారు.

వేం నరేందర్ రెడ్డి వరంగల్ ప్రాంతంలో ఆధిపత్యం సాధించడానికే కొండా ఫ్యామిలీని లక్ష్యంగా చేసుకున్నారని విమర్శించారు.సీఎం రేవంత్ రెడ్డితో పాటు కొండల్ రెడ్డి, తిరుపతి రెడ్డి, మంత్రి పొంగులేటి శ్రీనివాస్ రెడ్డిల అక్రమాలకు సంబంధించిన పూర్తి వివరాలను ఈడీ, సీబీఐ వంటి దర్యాప్తు సంస్థలకు అందజేస్తానని హెచ్చరించారు.

అంతేకాక, రేవంత్ రెడ్డి వెంటనే తన పదవికి రాజీనామా చేసి, పరకాల అసెంబ్లీ నియోజకవర్గం నుంచి పోటీకి దిగాలని కొండా సుస్మిత బహిరంగ సవాల్ విసిరారు.