అసెంబ్లీ వ్యూహాలపై నేడు కేసీఆర్ దిశానిర్దేశం.. ఎర్రవల్లిలో బీఆర్‌ఎస్‌ఎల్పీ భేటీ!

తెలంగాణ అసెంబ్లీ సమావేశాలు రేపటి నుంచి ప్రారంభం కానున్న నేపథ్యంలో బీఆర్ఎస్ అధినేత కేసీఆర్ నేడు పార్టీ నేతలతో కీలక సమావేశం నిర్వహించనున్నారు.

మధ్యాహ్నం 2 గంటలకు ఎర్రవల్లిలోని ఆయన నివాసంలో బీఆర్‌ఎస్‌ఎల్పీ భేటీ జరగనుంది.

ఈ సమావేశానికి ఎమ్మెల్యేలు, ఎమ్మెల్సీలు హాజరుకానున్నారు.

రాబోయే అసెంబ్లీ సమావేశాల్లో అనుసరించాల్సిన వ్యూహాలు, సభలో ప్రభుత్వ దృష్టికి తీసుకెళ్లాల్సిన ప్రధాన ప్రజా సమస్యలపై నేతలకు కేసీఆర్ దిశానిర్దేశం చేయనున్నట్లు పార్టీ వర్గాలు తెలిపాయి.