ప్రభుత్వాన్ని బద్నాం చేయడానికి చేతబడి: సీఎం రేవంత్ రెడ్డి సంచలన ఆరోపణలు!

తెలంగాణ ప్రభుత్వాన్ని అప్రతిష్టపాలు చేసేందుకు కొందరు అఘోరా పూజలు, చేతబడులు చేయిస్తున్నారని ముఖ్యమంత్రి రేవంత్ రెడ్డి సంచలన వ్యాఖ్యలు చేశారు.

ఎల్ నినో ప్రభావం ఉన్నప్పటికీ ఎల్లంపల్లి ప్రాజెక్టు నిండిందని, కానీ రాష్ట్రంలో కరువు రావాలని కోరుకుంటూ కొందరు కర్ణాటక, తమిళనాడు రాష్ట్రాలకు వెళ్లి అఘోరా పూజలు చేయించారని ఆయన ఆరోపించారు.హైదరాబాద్‌లో ఇందిరమ్మ టవర్స్ ప్రారంభోత్సవ కార్యక్రమంలో సీఎం మాట్లాడుతూ, "ఇలాంటి దుర్మార్గులు కూడా ఉన్నారు.

అయితే, నా సంకల్పం మంచిది కాబట్టి దేవుడి ఆశీస్సులు నా వెంటే ఉంటాయి" అని ఆయన స్పష్టం చేశారు.

ప్రభుత్వానికి వ్యతిరేకంగా జరుగుతున్న ఈ కుట్రలను ఆయన తీవ్రంగా ఖండించారు.