మంత్రి ప‌ద‌వికి ధర్మేంద్ర ప్రధాన్ రాజీనామా

న్యూఢిల్లీ, జూలై 25:

నీట్ పేపర్ లీక్ వ్యవహారంపై కేంద్ర విద్యాశాఖ మంత్రి ధర్మేంద్ర ప్రధాన్ తన పదవికి రాజీనామా చేశారు. శనివారం ఆయన రాజీనామా లేఖను ప్రధాని నరేంద్ర మోదీకి సమర్పించినట్లు వెల్లడించారు. దేశ యువత ఆశయాలను గౌరవిస్తూ, ఈ వ్యవహారంలో నైతిక బాధ్యత వహిస్తున్నానని ఆయన తన రాజీనామా లేఖలో పేర్కొన్నారు. విద్యా రంగంలో నాలుగు దశాబ్దాలుగా ఉపాధ్యాయులు, విద్యార్థులతో కలిసి పనిచేసిన అనుభవాన్ని ప్రస్తావిస్తూ, యువత విశ్వాసాన్ని నిలబెట్టడం తన కర్తవ్యమని తెలిపారు.ధర్మేంద్ర ప్రధాన్ రాజీనామా అనంతరం జంతర్‌మంతర్‌లో కొనసాగుతున్న ఆందోళనను కాక్రోచ్ జనతా పార్టీ (సీజేపీ) విరమించింది. కేంద్ర మంత్రులు జేపీ నడ్డా, జితేంద్ర సింగ్‌లతో జరిగిన చర్చలు ఫలప్రదంగా ముగియడంతో ఆందోళనను నిలిపివేస్తున్నట్లు సీజేపీ ప్రతినిధులు ప్రకటించారు. జంతర్‌మంతర్‌లోని విద్యార్థులు, యువత శాంతియుతంగా తమ ఇళ్లకు వెళ్లాలని వారు విజ్ఞప్తి చేశారు.