త్వరలో జరిగే అసెంబ్లీ సమావేశాల్లో ఎమ్మెల్యేలు మాట్లాడాలి

ఎన్నికల్లో విద్యార్థులకు ఇచ్చిన హామీలు అమలు చేయాలి
రాయదుర్గం పట్టణంలో ఏఐఎస్ఎఫ్  వేలాది మంది విద్యార్థులతో ఎమ్మార్వో కార్యాలయం దగ్గర ధర్నా
ఏఐఎస్ఎఫ్ జిల్లా అధ్యక్ష,కార్యదర్శి హనుమంతరాయడు, కుల్లాయిస్వామి

రాయదుర్గం : రాష్ట్రవ్యాప్తంగా ప్రభుత్వ జూనియర్ కళాశాలలో మధ్యాహ్న భోజన పథకాన్ని అమలు చేయాలని ఎన్డీఏ ప్రభుత్వం ఎన్నికలలో విద్యార్థులకు ఇచ్చిన హామీలు అమలు చేయాలని ఈరోజు ఏఐఎస్ఎఫ్ ఆధ్వర్యంలో రాయదుర్గం పట్టణంలో వేలాది మంది విద్యార్థులతో ఎమ్మార్వో కార్యాలయం దగ్గర ధర్నా కార్యక్రమాన్ని నిర్వహించి అనంతరం వినతి పత్రాన్ని అందజేయడం జరిగింది. ఈ సందర్భంగా ఏఐఎస్ఎఫ్ అనంతపురం జిల్లా అధ్యక్ష ప్రధాన కార్యదర్శులు హనుమంతరాయుడు కుళ్లాయిస్వామి మాట్లాడుతూ 2017-18లో తెలుగుదేశం ప్రభుత్వం అధికారంలో ఉన్న సందర్భంలో ప్రభుత్వ జూనియర్ కళాశాలలో మధ్యాహ్న భోజన పథకం కొనసాగుతూ ఉన్నది.

 2024 వైయస్సార్ కాంగ్రెస్ పార్టీ అధికారంలోకి వచ్చిన మూడు నెలలకే ప్రభుత్వ జూనియర్ కళాశాలలో మధ్యాహ్న భోజన పథకాన్ని తొలగించారు, ఎన్నికల సందర్భంలో ఎన్డీఏ ప్రభుత్వం మేము అధికారంలోకి వస్తే జూనియర్ కళాశాలలో మధ్యాహ్న భోజన పథకాన్ని కొనసాగిస్తామని హామీ ఇచ్చారు ఆ హామీని నిలబెట్టుకోవాలని రాష్ట్ర ప్రభుత్వాన్ని కోరారు. ప్రభుత్వ జూనియర్ కళాశాలలో మధ్యాహ్న భోజన పథకం లేక విద్యార్థినీ విద్యార్థులు అన్న క్యాంటీన్ల వైపు పరుగులు తీస్తూ ఐదు రూపాయల భోజనం తింటున్న పరిస్థితి రాష్ట్రంలో ఏర్పడిందన్నారు. 

నేటి విద్యార్థులే రేపటి దేశ భవిష్యత్తును తీర్చిదిద్దే పౌరులుగా ఉన్న విద్యార్థుల మధ్యాహ్న భోజన పథకం లేక బయట తినాల్సినటువంటి పరిస్థితి ఈ రాష్ట్రంలో ఏర్పడింది. ప్రభుత్వ జూనియర్ కళాశాలలో విద్యనభ్యసిస్తున్న విద్యార్థుల తల్లితండ్రులు చాలా వరకు కూలీనాలి పనులు చేసుకుంటూ వలసలకు వెళ్తున్న వారు చాలామంది ఉన్నారు. అందువలన ఉదయం కళాశాలకు వస్తే మధ్యాహ్నం కళాశాలలో భోజనం తింటూ సాయంత్రం వరకు కళాశాలలోనే విద్యను అభ్యసించేవారు జూనియర్ కళాశాలలో మధ్యాహ్న భోజన పథకం రద్దు అవడంతో విద్యార్థినీ విద్యార్థులు మధ్యాహ్నం తినడానికి ఇంటికి వెళ్లి తిరిగి రావడానికి ముగ్గు చూపడం లేదు.

దానివల్ల జూనియర్ కళాశాలలో చాలా మంది విద్యార్థులు డ్రాపోర్ట్స్ సంఖ్య పెరిగింది చాలామంది విద్యార్థులు విద్యను మానేసి పనులకు వెళ్తున్న పరిస్థితి ఈ రాష్ట్రంలో ఉంది. విద్యార్థుల ఇబ్బందులను కష్టాలను దృష్టిలో ఉంచుకొని ప్రభుత్వ జూనియర్ కళాశాలలో ఎన్నికలలో ఇచ్చినటువంటి హామీని తక్షణమే అమలు చేసి విద్యార్థుల ఆకలి కేకలు తీర్చాలని రాష్ట్ర ప్రభుత్వాన్ని కోరారు త్వరలో జరిగే అసెంబ్లీ సమావేశాలలో ఎమ్మెల్యేలు ప్రభుత్వ జూనియర్ కళాశాలలో మధ్యాహ్న భోజన పథకాన్ని అమలు చేయాలని మాట్లాడి విద్యార్థుల సమస్యలు రాష్ట్ర ప్రభుత్వం దృష్టికి తీసుకుపోయి పరిష్కరించేందుకు ప్రయత్నం చేయాలని కోరారు.

 రాష్ట్ర ప్రభుత్వం కూడా ప్రభుత్వ జూనియర్ కళాశాలలో మధ్యాహ్న భోజన పథకం పైన ఆలోచించి నిర్ణయం తీసుకోవాలని డిమాండ్ చేశారు. లేని పక్షంలో రాష్ట్రవ్యాప్తంగా విద్యార్థులను సమీకరించి పెద్ద ఎత్తున ఉద్యమాలకు శ్రీకారం చుడతామని రాష్ట్ర ప్రభుత్వాన్ని హెచ్చరించారు. ఈ కార్యక్రమంలో ఏఐఎస్ఎఫ్ జిల్లా కోశాధికారి ఆంజనేయులు జిల్లా ఉపాధ్యక్షులు వంశీ జిల్లా కార్యవర్గ సభ్యులు పవన్ నియోజకవర్గ అధ్యక్షులు శశి నియోజవర్గ నాయకులు అభిషేక్ రాజేష్ మధు మనోజ్ తదితరులు పాల్గొన్నారు.