వాస్తవానికి కృపారాణి 2014 ఎన్నికల్లో కాంగ్రెస్ పార్టీ తరఫున శ్రీకాకుళంలో ఎంపీగా పోటీ చేశారు.ఇక ఆ సమయంలో రాష్ట్ర విభజన వలన ఆమెకు అతి తక్కువ ఓట్లు వచ్చాయి. అంతకంటే ముందు 2009 ఎన్నికల్లో టీడీపీ దిగ్గజ నేత ఎర్రనాయుడుని ఆమె ఓడించి లేడీ కిల్లర్ అనిపించుకున్నారు. అంతేకాదు ఆనాటి యూపీయే టూ ప్రభుత్వంలో కమ్యూనికేషన్ శాఖ సహాయ మంత్రి పదవి కూడా ఆమెను వరించింది.
అలాగే 2014 ఎన్నికల కంటే ముందు వైసీపీ పార్టీ ఆమెను పార్టీలోకి ఆహ్వానించగా దానికి ఆమె నిరాకరించారనే వాదనలు కూడా ఉన్నాయి. ఇక 2019లో మనసు మార్చుకుని ఆమె వైసీపీ పార్టీలోకి చేరడం జరిగింది. కానీ ఆ సమయంలో అభ్యర్థుల ప్రకటన అప్పటికే ఖరారు చేయడంతో వైసీపీ అధికారంలోకి వచ్చిన తర్వాత ఆమెకు న్యాయం చేస్తామని చెప్పడం జరిగింది.
ఆ తర్వాత టెక్కలి అసెంబ్లీ సీటు కావాలని ఆమె కోరగా శ్రీకాకుళం ఎంపీ సీట్ నుంచి పోటీ చేయాలని అధిష్టానం భావించింది. కాని చివరికి ఏమైందో తెలియదు కానీ శ్రీకాకుళం ఎంపీ టికెట్ , టెక్కలి ఎమ్మెల్యే టికెట్ రెండు కూడా ఆమెకి ఇవ్వలేదు. దీంతో కృపారాణి వైసీపీ పార్టీ కార్యకలాపాలకు పూర్తిగా దూరంగా ఉంటూ వస్తున్నారు. ఈ నేపథ్యంలోనే అందరూ కృపారాణి టీడీపీ వైపు వెళ్లే అవకాశాలు ఉన్నాయని అనుకున్నారు.
కానీ టీడీపీ పార్టీలో ఆమెకు కోరుకున్న సీటు దక్కే అవకాశం లేదు. దీంతో కాంగ్రెస్ లో చేరినట్లయితే ఆమె కోరుకున్న సీటు దక్కే అవకాశం ఉందని కాబట్టి కాంగ్రెస్ పార్టీలో చేరడం బెటర్ అని నిర్ణయించుకున్నట్లుగా తెలుస్తోంది. ఈ క్రమంలోనే ఇటీవల ఆమె హైదరాబాద్ నుండి ఢిల్లీకి వెళ్లి కాంగ్రెస్ పెద్దలతో భెటి అయినట్లుగా వార్తలు వచ్చాయి.
కావున త్వరలోనే ఆమె కాంగ్రెస్ పార్టీలో చేరి శ్రీకాకుళం ఎంపీ స్థానం నుండి పోటీ చేసే అవకాశాలు ఉన్నట్టు పలువురు విశ్లేషకులు అంటున్నారు. ఆమె కాకపోయినా తన కుమారుడు విక్రాంత్ ని ఆ స్థానం నుంచి పోటీ చేయించేందుకు చూస్తున్నట్లుగా తెలుస్తోంది. మరి కృపారాణి కాంగ్రెస్ పార్టీలో చేరితే వైసీపీకి నష్టం ఏమైనా ఉందా...?మీ అభిప్రాయాలను కామెంట్స్ రూపంలో తెలియజేయండి.
