ఈ సంధర్భంగా ముఖ్యమంత్రి మాట్లాడుతూ బీఅర్ఎస్ పార్టీ మునిగిపోయె నావలాంటిదన్నారు. ఫోన్ ట్యాపింగ్ కేసులో త్వరలో కేసీఆర్, కేటీఅర్ జైలుకు వెళ్ల‌డం ఖాయమన్నారు. పార్టీలో చేరిన వారిని కంటికి రెప్పలా కాపాడుకుంటామన్నారు. కాంగ్రెస్ పార్టీలో చేరిన వారంద‌రికీ సముచిత స్థానం కల్పిస్తామని హమీ ఇచ్చారు.
అనంతరం మేడ్చల్ నియోజకవర్గం కాంగ్రెస్ పార్టీ ఇంచార్జి తోటకూర వజ్రేష్ యాదవ్ మాట్లాడుతూ కాంగ్రెస్ పార్టీ ఇచ్చిన సంక్షేమ పథకాల అమలు చేయడంతో ముందుంటామ‌న్నారు. కాంగ్రెస్ పార్టీతోనే సామాన్యులకు న్యాయం జరుగుతుందన్నారు.
మేడ్చల్ నియోజకవర్గం బీఆర్ఎస్ పార్టీ నుంచి కాంగ్రెస్ పార్టీలో చేరినవారిలో ఫీర్జాదిగూడ మున్సిపల్ కార్పొరేషన్ డిప్యూటీ మేయర్ కుర్ర శివకుమార్ గౌడ్ ఆధ్వర్యంలో 12 మంది కార్పొరేటర్లు ఉన్నారు.
అంతేకాకుండా పీర్జాదిగూడ మున్సిపల్ కార్పొరేషన్ బీఅర్ఎస్ అధ్యక్షులు దర్గా దయాకర్ రెడ్డి కూడా కాంగ్రెస్ పార్టీలో చేరారు. బోడుప్ప‌ల్ మున్సిపల్ కార్పొరేషన్ నుండి 5 మంది కార్పొరేటర్లు కొత్త చందర్ గౌడ్, సింగిరెడ్డి పద్మారెడ్డి, భూక్య సుమన్, సీసా వెంకటేష్ గౌడ్ , మోదుగు శేఖర్ రెడ్డి ఉన్నారు.
వీరితోపాటు కీసర ఎంపీపీ ఇందిరా లక్ష్మీ నారాయణ, చౌదరిగూడ మాజీ సర్పంచ్ బైరి రాములు గౌడ్, ఎంపీటీసీ భాస్కర్ రెడ్డి, గుండ్ల పోచంపల్లి మున్సిపాలిటీ నుంచి ముగ్గురు కౌన్సిలర్లు, ఇద్దరు కో ఆప్షన్ సభ్యులు స‌హా ప‌లువురు ముఖ్య నేత‌లు కాంగ్రెస్‌లో చేరారు. కాంగ్రెస్ పార్టీ సంక్షేమ పథకాలకు అకర్షితులై పార్టీ మారుతున్న‌ట్లు వారంతా పేర్కొన్నారు.
