సంకల్ప్ పత్రం పేరుతో బీజేపీ ఎన్నికల మేనిఫెస్టోను విడుదల చేశారు. సంకల్ప్ పత్రాన్ని ప్రధాని నరేంద్ర మోదీ, కేంద్ర మంత్రి అమిత్ షా, బీజేపీ అధ్యక్షుడు జేపీ నడ్డా, కేంద్ర మంత్రి రాజ్ నాథ్ సింగ్, నిర్మలా సీతారామన్ విడుదల చేశారు. ఢిల్లీలోని బీజేపీ హెడ్ క్వార్టర్ లో సంకల్ప్ పత్ర పేరుతో మేనిఫెస్టోను విడుదల చేశారు.

BJP Manifesto : మోదీ గ్యాంరెంటీ అనేది 24 క్యారెంట్ల బంగారం లాంటిది

ఈసందర్భంగా కేంద్ర మంత్రి రాజ్ నాథ్ సింగ్ మాట్లాడుతూ.. మోదీ గ్యారెంటీ అనేది 24 క్యారెట్ల బంగారం లాంటిదన్నారు. మొత్తం 14 అంశాలతో బీజేపీ ఎన్నికల మేనిఫెస్టోను విడుదల చేశారు. అందులో మహిళలు, యువత, రైతులు, పేదలు, బడుగు బలహీన వర్గాల కోసం పలు స్కీమ్ లను తీసుకొస్తామని హామీ ఇచ్చారు. 

మోదీ కీ గ్యారెంటీ పేరుతో యూత్ కు గ్యారెంటీ స్కీమ్ ను తీసుకొచ్చారు. ఇన్‌ఫ్రాస్ట్రక్షర్, మ్యానుఫాక్చరింగ్, ఇన్వెస్ట్ మెంట్, హై వాల్యు సర్వీస్, స్టార్టప్స్, టూరిజం, స్పోర్ట్స్ కేటగిరీల్లో అవకాశాలు కల్పించనున్నారు.  నారామణీ పేరుతో తీసుకొచ్చిన ఈ హామీలో భాగంగా దేశంలోని ఒక కోటి మంది మహిళలను ఇప్పటికే లక్షాధికారులను చేశామని.. వచ్చే ఐదేళ్లలో మరో 3 కోట్ల మంది మహిళలకు ఉపాధి కల్పించి వాళ్లను కూడా లక్షాధికారులను చేస్తామని హామీ ఇచ్చారు.

రైతులకు ఇప్పటికే ఉన్న స్కీమ్ లను కొనసాగించడంతో పాటు రైతులకు కావాల్సిన అన్ని సౌకర్యాలు అంటే.. యూరియా, ఇతర పనిముట్లు అన్నీ రైతులకు అందేలా చర్యలు తీసుకుంటామని హామీ ఇచ్చారు. మత్య్యకారులకు సీ వీడ్ పేరుతో మోదీ గ్యారెంటీ స్కీమ్ ను తీసుకొచ్చారు. 

టాక్సీ డ్రైవర్లు, ట్రక్ డ్రైవర్లు, కూలీలు, ఇతర వర్కర్స్ అందరికీ ఈ శ్రమ్ స్కీమ్ ను తీసుకొస్తామని తెలిపారు. 2025 లోపు విద్యార్థులకు చదువు కోసం ఏకలవ్య స్కూల్, పీఎం జన్ మన్, ఈకో టూరిజం తీసుకొస్తామన్నారు. పర్ ఫార్మ్, రిఫార్మ్, ట్రాన్స్ ఫార్మ్ పేరుతో మోదీ కీ గ్యారెంటీ స్కీమ్ ను ప్రకటించారు. 

ఈజ్ ఆఫ్ లివింగ్, సాంస్కృతిక వికాసం, సుపరిపాలన, విశ్వబంధు, సురక్షిత్ భారత్, సమృద్ధ భారత్, గ్లోబల్ మ్యానుఫాక్చరింగ్ హబ్, స్వచ్ఛ భారత్, క్రీడా వికాసం, సంతులిత అభివృద్ధితో మేనిఫెస్టోను బీజేపీ విడుదల చేసింది.