KTR React on Phone Taping : ప్రస్తుతం తెలంగాణ రాష్ట్రంలో ఫోన్ టాపింగ్ కు సంబంధించిన వ్యవహారం సోషల్ మీడియాలో బాగా వైరల్ అవుతుంది. ఇక ఈ ఫోన్ టైపింగ్ కేసులో రోజురోజుకు కొత్త కొత్త పరిణామాలు చోటు చేసుకుంటున్నాయి. కొత్త పేర్లు తెరమీదకి వస్తున్నాయి.
ఇక ఈ కేసు విషయంలో పోలీసులు మాత్రం చాలా చురుగ్గా దర్యాప్తు కొనసాగిస్తున్నారు. ఫోన్ టాపింగ్ కు సంబంధించిన హార్డ్ డిస్క్ లను ధ్వంసం చేసి వాటిని ప్రణీత్ రావు అండ్ కో తీసుకువెళ్లి మూసి నదిలో వేయడం జరిగింది. కానీ ఈ కేసు విషయంలో దర్యాప్తు చేస్తున్న పోలీసులు మూసి బ్రిడ్జ్ కింద వాటిని వెతికి మరీ తీసుకుని వచ్చారు.ఈ నేపథ్యంలోనే ముందు ముందు ఈ ఫోన్ టాపింగ్ వ్యవహారంలో దిగ్బ్రాంతకరమైన విషయాలు వెలుగులోకి రానున్నట్లు తెలుస్తోంది. అలాగే ఈ ఫోన్ టాపింగ్ వ్యవహారంపై తెలంగాణ ముఖ్యమంత్రి రేవంత్ రెడ్డి కూడా చాలా సీరియస్ గా ఉన్నట్లు తెలుస్తోంది. అయితే తాజాగా ఈ ఫోన్ టాపింగ్ వ్యవహారాన్ని ప్రస్తావిస్తూ రేవంత్ రెడ్డి ప్రభుత్వం పై కల్వకుంట్ల తారకరామారావు ఆగ్రహం వ్యక్తం చేశారు.
ఇది కేవలం ప్రజలను తప్పుదోవ పట్టించే ప్రయత్నం అని ఆయన ఆరోపించారు. అయితే ఈ ఫోన్ టాపింగ్ వ్యవహారం గురించి కేటీఆర్ ఎంత తక్కువ మాట్లాడితే అంత మంచిదని లేకుంటే వారి పార్టీ దీనిలో కూరుకుపోతుంది అంటూ పలువురు విశ్లేషకులు తెలియజేస్తున్నారు.
అయితే ప్రస్తుతం ఈ ఫోన్ టాపింగ్ వ్యవహారం అనేది అధికారంలో ఉన్న బీజేపీ కూడా ఏమాత్రం తప్పించుకోలేనట్లుగా తయారవుతుంది. అయితే ప్రణీత్ రావు తో మొదలైన ఈ టాపింగ్ కేసులో ఇప్పటికే ఎస్.ఐ.బి మాజీ చీఫ్ ప్రభాకర్ రావు మరియు పలువురు పోలీసులు ఉన్నతాధికారులు కూడా చిక్కుకున్నారు.
వారి నుండి పూర్తి విషయాలను తెలుసుకుంటూ పోలీసులు ఈ కేసు పై వివరాలను చక్కగా సేకరిస్తున్నారు. అయితే అధికారుల విచారణలో కొందరు భారస నాయకుల పేర్లు కూడా బయటకు వచ్చాయి. ఈ ఫోన్ టాపింగ్ ద్వారా సేకరించిన ఫోన్ కాల్ రికార్డ్స్ అన్నీ కూడా ఇద్దరు ముఖ్యమైన నేతలకు పంపించేవారమని వారు చెప్పినట్లుగా తెలుస్తోంది.
ఈ క్రమంలోనే అప్పటి బీజేపీ ని కూడా ఈ కేసులో చేర్చాల్సిందిగా డిమాండ్లు వినిపిస్తున్నాయి. ఇక బీజేపీ నాయకులైతే ఈ ఫోన్ టాపింగ్ కేసులో కేసీఆర్ ను మొదటి నిందితుడుగా చేర్చాలంటూ ఆరోపణలు చేస్తున్నారు. ఇక ఈ ఫోన్ టాపింగ్ వ్యవహారం ఈ విధంగా సాగుతుంటే ఈ వ్యవహారంపై కేటీఆర్ చెబుతున్న మాటలు చాలా విచిత్రంగా ఉన్నాయి.
6 గ్యారెంటీల పేరుతో అధికారంలోకి వచ్చిన కాంగ్రెస్ పార్టీ ఇచ్చిన హామీలను నెరవేర్చుకోలేక , రైతులకు రుణమాఫీ ఇవ్వకుండా , ప్రజల దృష్టి మళ్లించడానికి ఈ విధంగా ఫోన్ టాపింగ్ కేసును అడ్డంగా పెట్టుకుని ప్రతిరోజు దీనిపై వార్తలు ప్రచారం చేస్తున్నారని ఆరోపిస్తున్నారు.
ఇక ఈ ఫోన్ టాపింగ్ వ్యవహారంలో బయటకు వస్తున్న వ్యవహారాలన్నీ కూడా ముఖ్యమంత్రి రేవంత్ రెడ్డి ఇస్తున్న లీకులే తప్ప వాస్తవాలు అస్సలు కాదని కేటీఆర్ పేర్కొన్నారు. అయితే కాంగ్రెస్ పార్టీలోని కీలక నాయకులు ఎవరూ కూడా ఈ ఫోన్ టాపింగ్ వ్యవహారంపై పెద్దగా నోరు ఇప్పింది లేదు. పూర్తిగా బీ.ఆర్.ఎస్ నాయకుల పేర్లు బయటకు వచ్చిన తర్వాతే వారు పెదవి విప్పాలని యోచిస్తున్నట్లుగా ఉంది.
అయితే మరికొన్ని రోజుల్లో లోక్ సభ ఎన్నికలు ఉన్నాయి కాబట్టి కాంగ్రెస్ ను నిందించడానికి ఈ ఫోన్ టాపింగ్ వ్యవహారాన్ని కేటీఆర్ వాడుకుంటున్నాడని ముందు రోజుల్లో ఈ కేసులో వారే చిక్కుకునే అవకాశం ఉందంటూ పలువురు విశ్లేషకులు వ్యాఖ్యానిస్తున్నారు. మరి ఈ వ్యవహారం పై మీ అభిప్రాయాలను కామెంట్స్ రూపంలో తెలియజేయండి.
