Quick Today News Bangalore : కర్ణాటక మాజీ మంత్రి, మైనింగ్ రారాజుగా పేరున్న గాలి జనార్దన్ రెడ్డి ఆయన పార్టీని బీజేపీలో విలీనం చేరారు. లోక్‌సభ ఎన్నికల వేళ ఆయన ఈ కీలక నిర్ణయం తీసుకున్నారు. గంగావతి నియోజకవర్గం నుంచి ఎమ్మెల్యేగా ప్రాతినిధ్యం వహిస్తున్న ఆయన అక్రమ మైనింగ్ కేసులో నిందితుడిగా ఉన్న విష‌యం తెలిసిందే..
రాజకీయాలపై ఉన్న ఆసక్తితో గతేడాది అసెంబ్లీ ఎన్నికల ముందు ఆయన కల్యాణరాజ్య ప్రగతి పక్ష పార్టీని స్థాపించారు. దాదాపు రెండు దశాబ్దాల పాటు బీజేపీతోనే ఉన్న ఆయన ఇలా ప్రత్యేక పార్టీని పెట్టారు. మళ్లీ ఇప్పుడు లోక్‌సభ ఎన్నికలు జ‌రుగ‌నున్న నేప‌థ్యంలో బీజేపీ కండువా కప్పుకున్నారు. ఆయన పార్టీని బీజేపీలో విలీనం చేస్తున్న‌ట్లు ప్ర‌క‌టించారు.
త‌న భార్య అరుణ లక్ష్మి, కుటుంబ సభ్యులతో సహా బీజేపీ సీనియర్ నేత యడియూరప్పని కలిసి బీజేపీలో చేరారు. ఇటీవలే గాలి జనార్ధన్ రెడ్డి ఢిల్లీలో కేంద్ర హోం మంత్రి అమిత్‌షాని కూడా కలిశారు. అయితే..ఇటీవల జరిగిన రాజ్యసభ ఎన్నికల్లో కాంగ్రెస్ అభ్యర్థికి ఆయన మద్దతు ఇచ్చ‌రు.
లోక్‌సభ ఎన్నికల్లో బయట నుంచి మద్దతునిచ్చే బదులు పూర్తిగా బీజేపీలో చేరిపోవాలని అమిత్ షా సూచించిన‌ట్లు తెలిపారు. ఆలోచించి నిర్ణయం తీసుకోమని స‌ల‌హా ఇచ్చినందున తిరిగి బీజేపీలోనే కొన‌సాగాల‌ని నిర్ణ‌యించుకున్న‌ట్లు తెలిపారు. నా రాజకీయ ప్రస్థానం బీజేపీతోనే మొద‌లైంద‌ని,, అందుకే మళ్లీ సొంత గూటిలో చేరుతున్న‌ట్లు తెలిపారు. నేనింకేదో ఆశించి మాత్రం పార్టీలో చేరడం లేద‌ని, నిజాయతీగా పని చేసేందుకే పార్టీలోకి వ‌చ్చిన‌ట్లు తెలిపారు.
Latest News
14 Apr 2025 20:21:55
శివ్వంపేట ఏప్రిల్ 14 (క్విక్ టు డే న్యూస్):-రాజీవ్ యువ వికాసం దరఖాస్తు గడువును ఏప్రిల్ 24 వరకు తెలంగాణ కాంగ్రెస్ రాష్ట్ర ప్రభుత్వం గడువు పెంచిందని...
