గత సంవత్సరం వరకు ఈ లిస్టులో మొదటి స్థానంలో చైనా ఉండగా ఆ తర్వాత స్థానంలో భారత్ ఉండేదని యూఎస్ ఓపెన్ డోర్స్ రిపోర్టు 2024 తెలిపింది. ఇక దాదాపుగా 15 సంవత్సరాల తరువాత మొట్టమొదటిసారిగా ఈ జాబితాలో చైనాను కిందకి నెట్టేసి మరి ఇండియా మొదటి స్థానంలో నిలిచింది. అయితే ఈ ఏడాదికి ఏకంగా మూడు లక్షల 31 వేల 602 మంది ఇండియన్ స్టూడెంట్లు అమెరికాలోని వివిధ యూనివర్సిటీలలో చదువుతున్నారని పేర్కొంది.
అయితే గత ఏడాది విద్యా సంవత్సరంలో ఈ సంఖ్య కేవలం రెండు లక్షల 68000 మాత్రమే ఉండగా ఇప్పుడు ఏకంగా మూడు లక్షల 30000 వరకు ఉండడంతో చైనా ను కిందకి నెట్టు మరి భారతదేశం మొదటి స్థానాన్ని కైవసం చేసుకుంది. ఇక భారతదేశం తర్వాత రెండవ స్థానంలో చైనా నిలువగా మూడో స్థానంలో సౌత్ కొరియా, నాలుగవ స్థానంలో కెనడా, ఐదవ స్థానంలో తైవాన్ వంటి దేశాలు ఉన్నాయని ఓపెన్ డోర్స్ నివేదిక తాజాగా ప్రకటించారు.
అయితే ఇందులో ఎక్కువగా మాస్టర్స్ మరియు పిహెచ్డి చదివేందుకు అమెరికాలో అడుగు పెడుతున్న విద్యార్థుల్లో వరుసగా రెండో ఏడాది కూడా ఇండియన్ స్టూడెంట్స్ మొదటి స్థానంలో ఉన్నారని ఈ రిపోర్ట్ తెలిపింది. ప్రస్తుతం ఏదైతే అమెరికా ఉందో ఇందులో చదువుతున్న ఇండియన్ స్టూడెంట్ లలో 1,96,000 మంది మాస్టర్స్ మరియు పీహెచ్డీ కోర్సుల్లోనే ఉన్నారని కూడా వివరించింది.
ఇక పోయిన సంవత్సరం కంటే ఈ సంఖ్య 19% ఎక్కువ అని తెలిపింది. అండర్ గ్రాడ్యుయేట్ కోర్సుల్లో చేరేందుకు 36,000 మంది దాకా ఉన్నారని పేర్కొంది. ఇక ఇదే సమయంలో నాన్ డిగ్రీ కోర్సులు చేరుతున్న విద్యార్థుల సంఖ్య ఈ ఏడాది 1450 దాక బాగా తగ్గిందని క్షిప్తంగా వివరించింది. కాబట్టి అమెరికా యూనివర్సిటీలోనూ మనోళ్లే హవా కొనసాగుతుందని అందరూ కూడా ఆనందం వ్యక్తం చేస్తున్నారు. అసలు ఎన్నో ఏళ్లుగా ఉన్నటువంటి చైనాను వెనక్కి చూసి మరి భారతదేశం మొదటి స్థానాన్ని సంపాదించడం ప్రతి ఒక్కరికి కూడా ఆశ్చర్యం కలిగించిన విషయమే.
ఇటు భారతదేశం నుండి అమెరికా వెళ్ళే విద్యార్థుల సంఖ్య కాకుండా అమెరికా నుంచి కూడా భారతదేశానికి వచ్చే విద్యార్థుల సంఖ్య పెరుగుతుంది. దీంతో ప్రపంచంలో నలుమూలలో కూడా భారతదేశం యువకులు మరియు నివాసితులు ఉంటారని అందరితోను బాగా కలిసి పోతారని మనవాళ్లు తెగ కామెంట్లు చేస్తున్నారు.
