ఇప్పటిక పోస్ట్ ఆఫీస్ అనేక రకాల సేవలను ప్రజలకు అందిస్తుండడంతో సామాన్య ప్రజలు ఆర్థికంగా నిలదొక్కునేందుకు ఈ పోస్ట్ ఆఫీస్ అనేది ఎంతగానో ఉపయోగపడుతుంది. గ్రామీణ ప్రాంత ప్రజలను దృష్టిలో కేంద్ర ప్రభుత్వం ఆధ్వర్యంలో కొత్త‌గా గ్రామీణ తపాల జీవిత బీమా ప‌థ‌కంను తీసుకొచ్చింది. పదివేల నుండి పది లక్షల వరకు ఇన్సూరెన్స్ స్కీమ్ అనేది తీసుకువచ్చింది. ఇదిగా అన్ని స్కీములు కన్నా బెస్ట్ స్కీముగా అభివర్ణిస్తున్నారు.
ఇక ఈ స్కీమ్‌లో 18 నుండి 55 సంవత్సరాల మధ్య వయసుగల వారు మాత్రమే జాయిన్ అవ్వగలరు. ఒకవేళ ఈ పథకం మధ్యలో డబ్బులు లేక ఆపినా తిరిగి మళ్లీ పునరావృతం చేసుకునేలా ఏర్పాటు చేశారు.
ఇక ఈ పథకంలో ఎన్ని ఉపయోగాలు ఉన్నాయో తెలిస్తే ఖచ్చితంగా ఆశ్చర్య పోవాల్సిందే. పదివేల నుండి 10 లక్షల వరకు ఈ స్కీం తీసుకోవడానికి అందుబాటులో ఉంది. బయట వాళ్ల స్కీం కంటే ఎన్నో రేట్లు గ్రామీణ ప్రాంతాల్లో ఉన్నవారికి ఈ స్కీమ్ అనేది లబ్ధి చేకూరుస్తుంది. ఇపాలసి ఒక కుటుంబంలో యజమాని తీసుకుంటే అనుకోకుండా మరణం చెందిన కూడా అతని కుటుంబ సభ్యులకు ఇన్సూరెన్స్ డబ్బులు అందిస్తారని చెప్పుకొచ్చారు. ఇక ఈ పాలసీలో మధ్యలో ఎప్పుడైనా డబ్బులు లేకపోయినా సరే కొన్ని రోజుల తర్వాత తిరిగి మళ్ళీ పాలసీ కొనసాగించవచ్చు అని సూర్యాపేట డివిజన్ పోస్టల్ అసిస్టెంట్ ఆంజనేయులు లోకల్ 18 మీడియా ద్వారా తెలియజేశారు.
ఆధార్ కార్డు మరియు పాన్ కార్డు,ఫోటో, నామిని డీటెయిల్స్ తీసుకొని స్థానిక పోస్టల్ ఆఫీస్ కి వెళ్తే ఈ పథకం పేరు చెప్పగానే ఇన్సూరెన్స్ 10000, 50,000 మరియు, లక్ష లేదా పది లక్షల ప్రకారం ఒక నెలవారీగా ఎంత కట్టాలని పోస్టల్ అధికారి చెప్తారని ఆంజనేయులు తెలిపారు. భవిష్యత్తు పిల్లల కోసం అలాగే డబ్బులు ఎవరైతే కూడ పెట్టుకోవాలని అనుకుంటారో వారికి ఇది చాలా మంచి అవకాశం.
