రైతన్న నడ్డి విరుస్తున్న కాంగ్రెస్ ప్రభుత్వం!..

కానరాని కాంగ్రెస్ సహాయం కరుణించని వరుణదేవుడు

మహబూబాబాద్ జిల్లా, తొర్రూర్ :- మండలం కేంద్రం లోని హరిపిరాల గ్రామంలో కూన వెంకన్న అనే రైతు తాను 10 ఎకరాల పంట పొలం వేయగా వడగండ్ల వానకు తాను నష్టపోయానని తన గోడు వెళ్ళబోసుకోగా స్పందించిన మాజీ మంత్రి ఎర్రబెల్లి పంట పొలాలను పరిశీలించారు.ఈ సందర్బంగా వారు మాట్లాడుతూ...ఈ మోసపూరిత ప్రభుత్వాన్ని నమ్మి ఇప్పటికే ప్రజలు మోసపోయారు..

రైతులను ఆగం చేసి వాళ్ళకి కనీసం సాగునీరు ఇయ్యకుండా ఇప్పటికే రైతులు నష్టపోయారు సాగునీరు ఇయ్యకుండా నష్టపోయిన రైతులకు ఎలాగైతే 25000 వేల నష్టపరిహారం చెల్లించాలని మేము డిమాండ్ చేసామో అలాగే వడగండ్ల వాన కూడా నష్టపోయిన పంట పొలాలకు 25000 వేల నష్టపరిహారం చెల్లించాల్సిన బాధ్యత ఈ ప్రభుత్వం మీద ఉంది అని ఈ సందర్బంగా వారు డిమాండ్ చేశారు.

రైతు సంక్షేమం కోసం కెసిఆర్ రైతు బంధు,సాగునీరు, పంట నష్టం ఇచ్చి ఆదుకుంటే ఈ ప్రభుత్వం కనీసం రైతులను పట్టించుకునే పరిస్థితే లేదు ఇప్పటికైనా ప్రభుత్వం కళ్ళు తెరిచి రైతులను ఆదుకోవాలి అని అన్నారు.

IMG-20250410-WA0013